Metacognition - ما وراء المعرفة
يعني ايه metacognition - ما وراء المعرفة - ؟
تعريفها الاصطلاحي awareness and understanding of one's own thought processes,يعني ايه الكلام دا؟
يعني هي قدرة الشخص بمعرفة نفسه والتفكير في طريقة تفكيره وتقييمها وتحليليها
ال metacognition عباره عن حاجتين اساسيتين : معرفة وتنظيم
لازم يكون عندك معرفه بنفسك وملم بقدراتك على التحصيل والفهم و الفهم دا يكون ملم بجوانب الحاجه اللي بتعملها او بتتعلمها و بردو يكون ملم بكل الطرق اللي هتقدرتنفذ بيها المهمه دي أو توصل للهدف اللي عايز تعمله
والتنظيم بيكمن انك ازاي بتنظم أفكارك وبيكون فيه ترتيب وتسلسل منطقي للاحداث وتختار أفضل طريقة
مثلا انت بتفكر في بروجكت معين وفيه قدامك خيارين بس قررت ان فيه واحد مش هتنفذه علشان انت قيمت وحددت ان الخيار التاني أفضل بالنسبالك من حيث الطرق والنتائج.
طيب ازاي تقدر تعلم وتفيد نفسك وازاي تقدر تقيم اداءك وتحصيلك وتعرف نقاط ضعفك وقوتك ؟
ودا عن طريق تلات مراحل :
اولا التخطيط :
ودا هيحصل عن طريق انك تخطط ايه افضل طريقه تتعلم بيها الحاجه ؟ .. ايه افضل طريقه اخلص بيها الواجب دا ؟
افضل طريقه علشان اخلص الكورس بتاعي في وقت معين ؟
![Image result for metacognition](https://www.spencerauthor.com/wp-content/uploads/2017/11/metacognition-cycle.png)
ثانيا موضع الاختبار :
هتبدا تحط خطتك تحت موضع تقييم واختبار وتبدا قييم تشوف حققت ايه من الخطه اللي انت كنت محددها وتتابع التقدم اللي بتحرزه مع الطريقه دي وهل انت ماشي على الطريق الصح ؟ ولا محتاج طريق تاني افضل
ثالثا التقييم :
هي مرحله تعتبر شبيهه شويه بالمرحله اللي قبلها بس انت هنا بتعمل تقييم لكل حاجه انت عملتها ,الطريقه اللي استخدمتها وحققت قد ايه من هدفك ,طيب الطريقه دي مفيده وصح ؟ ولا فيه طريق تاني أفضل هتخذه المره اللي جايه علشان أحصل نتائج أكبر وأحسن زي مثلا هل لو كتبت وأنا بذاكر بالنسبالي أفضل و لا لو استخدمت memory cards افضل ؟
طيب ايه اللى هتستفاده لما تطبق ال metacognition في حياتك ؟
أول حاجه هيخليك تتعلم بنفسك ومعتمد على نفسك بشكل كبير وهتتحكم في طرق حاجات كير بتتعلمها وبتستوعبها وهتكون واعى أكتر باللي بتعمله وهيحسن من اداءك وانتاجيتك, لان هيكون فيه صوت داخلي دايما جواك بيرشدك ويوجهك ويقولك انت وصلت لفين وتعمل ايه لو احترت, زي ما يكون في شخص تاني بيقيس تقدمك ويقولك الخطوة اللي جايه
دا غير لو ان الاطفال من الصغر اتعلمت ازاى تفكر بالطريقه دي هيخليهم يعتمدوا على نفسهم بشكل كبير جدا في دراستهم وحياتهم كمان لانه بيوسع مداركهم وبيخلى مفيش حدود لتفكيرهم فبيخرجوا كل مره بفكره ابداعيه جديده
![](https://blogger.googleusercontent.com/img/b/R29vZ2xl/AVvXsEhi91QMiJmKjegMf9BXli5xaavCg6nNerNAwL0kQck2jo28qUt8iUNxsAYhBGtXmZx9mqSPWz_GkoejC9YM_Kk0xi2yOCzdX3KZPPf8Li86K7uv_e2TPDKeKBVrt3gvRCTrdIMFjRLnAVc/s320/images+%25282%2529.jpeg)
(Whitebread and Pino Pasternak ) من خلال دراساتهم على عدد من الأطفال عندهم 18 شهر انه في تطور للمهارات دي من غير ما هما يدركوا انهم بيستخدموها
بعض الخطوات اللي ممكن تزود التاثير الايجابي لعمليه التفكير عندنا :
1. "Anyone who has never made a mistake has never tried anything new"
Albert Einstein-
دايما بنخاف نغلط لكن الحقيقه الغلط مش حاجه المفروض نخاف منها دي حاجه بنتعلم منها وبتكسبنا خبرات, المفروض اللي نخاف منه فعلا هو تكرار الغلط فلازم تكون واعي لأخطائك وتتعلم من كل حاجه والأخطاء هي جوهر التعلم.
2. "The decision is your own voice, an opinion is the echo of someone else's voice"
Amit Kalantri-
الناس أو الجدال المفيد دي من اكتر الحاجات اللي ممكن تفتح عقولنا على أراء او طرق جديدة ممكن نستخدمها, على سبيل المثال لو فتحنا نقاش بين الطلاب ازاي كل واحد بيذاكر الرياضيات دا هيفتح مدارك كتير في دماغ كل واحد ويخلق ما بينه وبين نفسه تساؤلات: هو أنا ممكن استخدم الطريقة دي في مذاكرة الفيزياء ؟ ليه الطريقة دي ممكن تناسبني ؟ ليه الطريقه دي ممكن متناسبنيش ؟ ممكن أدمج ما بين الطريقتين علشان أحصل نفع اكبر ؟
3. "To assess the quality of thoughts of people, don't listen to their words, but watch their actions"
Amit Kalantri-
التقييم أفضل طريقة علشان تعرف كنت فين وبقيت فين, وبيخليك عارف مقدار الانجاز أو التقدم اللي عملته ودا بيديك دفعه دايما علشان تكمل وبتشوف انجازاتك اللي حققتها وبتبقي أكبر دافع ليك تكمل مهما كانت الصعاب.
"Success is not final; failure is not fatal: It is the courage to continue that counts"
Winston S. Churchill-
Reference :Cambridge International Educational Teaching and Learning Team-
تظهر الإعلانات هنا
جميل❤
ردحذفرائع♥️
ردحذفعطيييم جدااا ����❤
ردحذفSo positive
ردحذفحلو جدا جدا ❤️❤️��
ردحذفعظيم جدا جدا كملوا💪❤
ردحذفعظمة ❤️❤️
ردحذفطريقة بسيطة ومبدعة روعة ❤❤
ردحذف