Bipolar disorder | اضطراب ثنائي القطب
Bipolar disorder | إضطراب ثنائي القطب
-تعرف إن فيه أكتر من ٦٠ مليون شخص مصاب بالإ ضطراب النفسي ده علي وجه الأرض، بمعنى إن كل شخص من ضمن ١٠٠ شخص معرض للإصابة بالمرض، وكمان ده مش بس مرض نفسي لا ده جسدي كمان.
- طيب ويا تري ده معناه إيه ؟
- معناه إنك ممكن تكون قابلت أو اتعاملت مع شخص مصاب بإضطراب ثنائي القطب، حتى ممكن تكون أنت ذات نفسك بتعاني من الاضطراب ده!!
-ايه ده أنت بتقول إيه ، أنا مش فاهم حاجة ؟!
-طيب تعالى معايا نبدأ من الأول خالص هحكيلك كل حاجة عن المرض، وساعتها هتقدر تقيم اللي قدامك وكمان هتقدر تقيم نفسك.
مبدئيا كده يعني أيه مرض ثنائي القطب؟
-اه خد بالك:
الإضطراب ده كانوا بيسموه زمان إكتئاب هوسي ومن هنا نبدأ ناخذ بالنا إننا بيكون عندنا اكتئاب وهوس في نفس الوقت.
انواع المرض :
النوع الاول Type one:
بيكون لشخص جاله نوبه هوس-mania واحدة على الأقل وبعد كدا بيجي نوبات من الهوس الخفيف-hypomania أو نوبات اكتئاب عظمى وفيه في بعض الحالات بتؤدي الاصابة بنوبات الهوس دي بالأنفصال عن الواقع فيما يعرف بالذهان.
بس نقدر نقول إن بردو الهوس انواع:
فيه الهوس الخفيف وفيه الحاد هما نوعين مختلفين من النوبات, ولكن ليهم نفس الأعراض ولكن الهوس بيكون اقوى من الهوس الخفيف وبيأثر على حياتة الاجتماعية وبيئة العمل بردو وممكن يوصل للذهان وده لازم يروح للمستشفي.
Psychosis | الذهان
بيوصل الشخص ساعتها انه مصدق أفكارة واللي بتكون مش حقيقية بتخليه مقتنع لدرجة إنه بيكون منعزل عن العالم الواقعي وعايش ومصدق عَالمه الإفتراضي اللي بيتخلله بقا أحداث جيده وعظيمة واخرى سيئه جدا.
النوع الثاني Type two:
بيكون الشخص دا مر بنوبة اكتئاب عظمى-sever depression مرة واحدة على الأقل ونوبة هوس خفيف-hypomania, ولكن الشخص دا مبيكونش مر بنوبات هوس-mania قبل كدا
النوع الثالث Mixed Features:
بتكون أعراض ممتزجه ما بين النوع الأول وبيكون فيه هوس أو هوس خفيف أو اكتئاب بس أكتر حاجه بتميز النوع دا أن الشخص بيكون عنده طاقة عالية وكمان افكاره بتكون متلاحقه وسريعة ومتقلبة جدا وكمان بتتميز بالأرق بس في نفس الوقت الشخص بيكون فاقد الأمل ويائس وحساس جدا تجاه الكلام و عنده أفكار انتحارية.أسباب الإصابه بالمرض:
بصراحة مفيش سبب واضح حتي إن العلماء لغاية دلوقتي مش قادرين يعرفوا السبب الأساسي إيه بس في منهم قال :
١-إن ده بيرجع للجينات أكتر من فكرة التربية, بمعنى إنهم كده بيقولوا إنه مرض وراثي .
٢-وفيه منهم قال إنه بيحصل بسبب تغيرات دماغية بتاثر علي المزاج وديه ممكن نتحكم فيها بالأدوية .
٣-وفيه منهم قال بسبب ضغوطات الحياه وبعض الأمراض البدنية.
الأعراض:
١-إكتئاب ٢-هوس ٣- تفاؤل غير مبرر ٤-الرغبة في الإنتحار
وأعراض تانية كتير بس في الغالب نفس الأعراض بتحصل مع كلا الجنسين الرجل والمرأه مع إختلافات بسيطة جداً زي مثلا إن الرجل رغبته في شرب الكحوليات بتكون اكتر .
وشعور بالحزن و الحساسية المفرطة، إن الشخص يكون دائماً في حالة من الحزن والبكاء بدون سبب، وفقدان للوزن أو زيادة فيه، وكمان عدم القدرة علي إنه يعمل أي حاجة، شايف دائماً قدامه سواد وعايز ينتحر لا وكمان بيخطط بالفعل للإنتحار .
وساعات بيبقى الشخص عنده طاقة زيادة في كل حاجة عايزيعمل مليون حاجة في نفس الوقت، عايز يتكلم كتير، متفائل جدا وواثق من نفسي، عنده مليون فكرة في راسه ، بس مش قادر ينام من كتر التفكير والطاقة والنشاط.
وشعور بالحزن و الحساسية المفرطة، إن الشخص يكون دائماً في حالة من الحزن والبكاء بدون سبب، وفقدان للوزن أو زيادة فيه، وكمان عدم القدرة علي إنه يعمل أي حاجة، شايف دائماً قدامه سواد وعايز ينتحر لا وكمان بيخطط بالفعل للإنتحار .
وبردو عدم القدرة على النوم تماماً من كتر التفكير بس المرة ديه في الإنتحار والحزن.
طرق العلاج
١-عن طريق أدويه تعالج الإكتئاب او تعالج الهوس أو الذهان
٢- عن طريق العلاج النفسي
٣-واخيراً وديه في أصعب الحالات بيكون بالصدمات الكهربائية على المخ .
إزاي أتعامل مع مريض إضطراب ثنائي القطب
١-أول حاجه أحاول أفهمه مش هو لوحده اللي ممكن يكون بيعاني من الإضطراب ده لا ده فيه أكتر من ٦٠ مليون شخص بيعانوا من نفس المشكله .
٢-أحاول أثقف نفسي بمعلومات أكتر عن الإضطراب عشان أعرف أتعامل مع المريض وأساعد كمان في علاجه .
٣- لو بيفكر في الإنتحار أحاول آخد كلامه علي محمل الجد من غير ما أفضل أقلل منه بالعكس أحاول دائماً أسمعه وأشوف إيه الي بيدور في دماغه.
٤-أحاول أديه العلاج في الوقت المناسب وبإستمرار .
٥- واخيرا وليس آخراً أحاول أديله كل الدعم النفسي اللي محتاجه علشان يعدي الفترة دي.
واخيراً :
•نحاول نفرق بين تغير المزاج العادي mood swing وبين إضطراب ثنائي القطب.
•نحاول نفهم إن أي حاجة بتكون زيادة عن اللازم بتدل علي إن فعلا فيه مشكله .
•مش عيب أروح لمعالج نفسي لو فعلاً حسيت إني محتاج مساعده أهم حاجه إنك تتكلم وتعبر دائما عن اللي جواك.
•المرض النفسي لا يقل أهميه ولا يقل ألمًا عن المرض الجسدي.
“Though I am often in the depths of misery, there is still calmness, pure harmony and music inside me.”―
references
1-https://www.nimh.nih.gov/health/publications/bipolar-disorder/index.shtml
2-https://www.medicalnewstoday.com/articles/37010#cause
تظهر الإعلانات هنا
تعليقات