الإنفصام | Schizophrenia
الانفصام | Schizophrenia
كلنا شوفنا او عارفين فيلم split وازاي الشخصيه كانت بتغير في شخصيتها تماما وتتحول لكذا شخصيه تانيه بطريقه غريبه جدا وكانت حاجه ملفته للنظر هل العقل البشري يقدر يعمل كدا فعلا ويتحول من شخصيه لشخصيه كدا ؟ ايه هي مفييهمنا عن موضوع الانفصام دا وجوانبه وعلاجه دا اللي هنعرفه في البلوج النهارده
الانفصام العقلي؟ - Schizophreniaايه هو
دا اضطراب حاد فى الدماغ بيشوه الشخص المصاب بيه فى حاجات
كتير زى التفكير ,التصرف ,التعبير عن
المشاعر و علاقاته مع الاشخاص اللى حواليه و
البيئة المحيطة بيه
المرض دا يتعبر اصعب و اخطر و اكتر الامراض النفسية
تعقيدا من بين باقى الامراض النفسية المعروفة و المريض بيه بيواجه مشاكل كتير فى
المجتمع دا غير انه بيسببله الخوف و الانطواء على النفس دا غير انه اصلا مرض مزمن
بيلازم المصاب بيه طوال فترة حياته و ملوش علاج بس ممكنة يتسيطر عليه.
ناس كتير فاهيمن الفصام دا انه انفصام فى الشخصية ودا
مفهوم خاطئ جدا انما الفصام دا اضراب نفسى و الشخص المصاب بيه مش بيعرف يميز بين الواقع
و الخيال و ممكن يوصل بالشخص دا انه يفقد ارتباطه بالواقع و بيتهيأله ان العالم
المحيط بيه عبارة عن خليط من افكاره و تخيلاته.
سلوك الناس المصابة بالفصام بيكون غريب جدا و مرعب
احيانا و التغيير المفاجئ فى سلوكه و شخصيته و
اللى بيخليه يفقد اى صلة مع الواقع
اسمه "المرحلة الذهانية
أسباب الفصام:
الشيزوفرينيا بتحصل ازاى وايه هى اسبابها؟؟
العالماء اكتشفوا ان
مريض واحد من كل 10 مصابين بالفصام كان ابوه او امه مصابين بيه و دا خلى العلماء
يهتموا بعلاقة الجينات بالفصام و لما تعمقوا فى دراستهم لقوا ان حالات التوأم لو
واحد منهم مصاب بيه فاحتمالية ان التانى يتصاب بيه بنسبة 50% و دى نسبة مش قليلة
طبعا و بالرغم ان الجينات عامل مهم فى الاصابة بالفصام الا ان الجينات المسؤلة عن الاصابة بالمرض دا لم يتم تحديدها
حتى الان و يقال انها مجموعة من الجينات مش جين واحد بس.
ايه دور البيئة فى الاصابة بالفصام؟
من ضمن مسبباته بعض الفيروسات زى فيرس اسمه Epstein barr virus و بعض الطفيليات زى ال Toxoplasmosis اللى بيسبب مرض القطط .. طب تعرف بقا ان
المخدرات بمختلف انواعها من اكبر العوامل المسببة ليه؟؟ زى الLSD والDMT والEXTACY و ساعتها اعراض الفصام يتتوقف بمجرد توقف تعاطى
المخدر . كمان الحشيش بيسبب الاصابة بالفصام 6 مرات عن المعدل الطبيعى. و لو مريض
الفصام بيتعاطى المخدرات او الكحوليات فدا كفيل لوحده بيزود من حدة اعراض الفصام.
دا غير بقا الضغط النفسى و العصبى والاجهاد و التوتر و القلق و المشاكل
الاسرية و ضغوطات الحياه من اهم العوامل المسببة للفصام.
هل بقا معنى كدا ان اى شخص عنده ضغوطات من الحياة معرض للاصابة بيه يعنى لو
انا مضغوط نفسيا و عصبيا و عندى مشاكل كتيرة مش عارف احلها كدا ممكن يجيبلى فصام؟؟
لا طبعا ياعم مش للدرجادى الفصام دا مش دور برد ولا زى اى مرض تانى دانت
لازم يكون عندك استعداد
جينى للاصابة بيه زى ما قولتلك فوق دور الجينات كعامل مسبب
للاصابة بيه..
أعراض الفصام:
الشيزوفرينيا بيكون
ليها نوعين من الاعراض : اعراض ايجابية و
اعراض سلبية و الاتنين خطيرين جدا يعنى الاعراض الايجابية مش حلوة ولا حاجة
احنا بنقسمهم لاعراض
ايجابية و سلبية على حسب درجة الوضوح يعنى الاعراض السلبية بتكون اخطر من
الايجابية و لكنها اقل فى الوضوح
الاعراض الايجابية:
الهلوسة
(Hallucination)
سواء بقا هلوسة بصرية او سمعية او حتى عن طريق حاسة الشم
و فى بعض الاحيان الهلاوس البصرية بتكون على هيئة عناكب عايشة تحت الجلد و الهلاوس
دى بتكون مؤذية جدا لدرجة انها بترعب المريض نفسه زى الهلاوس السمعية اللى بتخلى
المريض يسمع اصوات بتنده عليه فتخليه ياذى نفسه او ياذى غيره و الغريبة بقا ان
المريض بيصدق الاصوات دى جدا و استحالة يكدبها و ممكن كمان يستجيب ليها حتى لو
عارف انها
ممكن تكون مؤذية ليه.
الاوهام و الضلالات
ودا معناه ان مريض الفصام بيكون عنده قناعات مبنية على
اسس غلط و هو بس الللى شايفها صح زى مثلا وهم الاضطهاد انه دايما حاسس ان فى حد
بيراقيه و دايما بيهدده بالقتل و دايما حاسس انه مهدد بكل انواع
الخطر.
التشويش و عدم التركيز
دايما بيكون مريض الفصام مشوش و مش مركز خاالص لما
بيتكلم كلامه مش بيكون متناسق و ينتقل من فكرة ل فكرة تانية خالص و ينسى الفكرة او
الكلام اللى كان بيقوله زى ما يكون حد مسحهاله باستيكة من دماغه.
بسبب بقا الهلاوس السمعية و البصرية و الاوهام اللى
بيعيشها المريض الناس اللى حواليه يفسروا كل دا كانه مس شيطانى و يتجهوا للدجالين
و الجهل دا بدون مايفكرو يعرضوه حتى على طبيب نفسى لحد م الحالة تسوء اكتر و يصعب
علاجها.
دى اهم الاعراض الايجابية ايه هى بقا الاعراض السلبية
الاعراض السلبية:
انعدام الإحساس و التعبير عن
المشاعر يعنى المريض بيفقد التعبير عن اى حاجة سواء بقا كانت حلوة او وحشة و بيكون عنده دايما حالة لامبالاة دا غير ان المريض
أفكاره وحالاتهالمزاجية مش بتمشى مع الوضع اللى المريض بيكون فيها مثلا انه يعيط لما
حد يقوله نكته او يضحك لما يكون فى جنازة و فى ناس بتعيط حواليه. المريض كمان
بيبدا يعزل نفسه و ينسحب من التجمعات العائلية دا غير سلوكه الغير مفهوم.
الاعراض دى بتكون خطيرة جدا
لانها لما بتظهر مش بتتشخص على انها مرض فصام يعنى مش بالساهل الناس تقدر تشخص
المرض دا هتقولى ليه ما فى اعراض ايجابية واضحة اهى حتى لو السلبية مش بتظهر اوى؟
هقولك ان الاعراض دى بتاخد
فترة لحد ما تظهر و بتاخد فترة لحد ما تبان و حتى لو بانت صعب جدا انهاا تتوصف
اعراض فصام..
علاج الفصام
ياترى الفصام ليه علاج
ولا المريض هيفضل طول عمره يسمع فى هلاوس؟
الفصام زى اى مرض ليه
علاج و علاجه بيكون على مراحل و هدفه انه يقلل الاعراض بتاعته. ايه هى بقا مراحل
العلاج؟
المعالجةالدوائية (Medicine Therapy)
المعالجة النفسية (Psychotherapy)
التأهيل (Rehabilitation)
ودا يعنى تطوير المهارات الاجتماعيةللمريض لمساعدة
مرضى الفصام على الاندماج مع البيئة المحيطة بيهم و الاندماج فى المجتمع وانه يعيش
حياة مستقلةقدر الإمكان.
المعالجة النفسية الفردية
و هنا الطبيب بيساعد المريض انه يفهم المرض دا
و يحاول يخليه يتقبله فى الاول عشان يعرف يحل مشاكله.
المعالجة العائلية
و هنا بييجى دور عيلة المريض انهم يعرفو
يتعاملو معاه و يقفوا جنبه مش بيتجنبوه وتوعية اسرة المريض
باعراض المرض .
و كانت سيسيليا ميجاو دى مريضة فصام
مشهورة عالميا كانت بتشوف مهرج مرعب بيحاول
يقتلها و كان بيتكلم معاها بشكل شخصى و قالت كمان انها كانت بتشوف بنت ماسكة سكينة
و بتحاول تقتلها...كانت عايشة تحت رعب و تهديد بسبب خيالات و اوهام فى دماغها
فكانت عايشة حياتها فى كابوس بتشوفه و هى صاحية ومش عارفة تهرب منه ..
كانت اول تجاربها
للتعامل مع المرض هى محاولة انتحار فاشلة وبعدها بدات العلاج بعد 8 شهور بعد
محاولات كتير جدا مع والدتها انها تتعالج لانها كانت رافضة العلاج بشكل نهائى لحد
م قررت انها تتخلص من الكابوس دا و تتعالج.
سيسيليا بقت رائدة
فضاء و ناشطة و درست فى مجال الفضاء و الفيزيا الفلكية و بقت مؤسسة و الرئيسة
الحالية لمؤسسة البحث التعاونية فى جامعة بين ستيت
وفيه مشاهير كتير كانوا بيعانوا الموضوع دا زي فان جوخ و ادوارد اينشتاين ابن البيرت اينشتاين
اللى عاوزة اوصلهولك ان دول كان عندهم امراض و
عمر م كان المرض عائق فى طريق نجاحهم و بقوا ناس ناجحة ومشهورة جدا و لو انت عندك
اى مرض سواء نفسى او غيره مش هيكون عائق لنجاحك.
ازاى اتعامل مع مريض الفصام؟
نحاول نهديه و نكون
جنبه ونحسسه انه مش منبوذ و نشجعه انه يتعالج و بلاش نتريق عليه حتى لو على سييل
الهزار لان دا هياثر عليه و كمان نهياله الجو المناسب للعلاج و دايما انكون حواليه
لان مريض الفصام دايما بيحس انه لوحده ويلاش نحطه تحت ضغط عصبى لان الضغط بيزود
حدة الاعراض و لو المريض بيتعاطى المخدرات نقنعه يبطلها مش نعقد نعاتبه و نأنبه..
و اخيرا احب اقول ان
المرض النفسى زيه زى مرض عضوى بيتعالج عادى جدا ويمكن نظرة المجتمع للمريض النفسى
بتخليه يتاخر فى علاجه عشان كدا لازم نغير النظرة
“I think a lot of psychopaths are just geniuses who drove so fast that they lost control.”
―
Sources:
https://www.webteb.com/mental-health/diseases/%D8%A7%D9%84%D9%81%D8%B5%D8%A7%D9%85تظهر الإعلانات هنا
تعليقات