Ramadan Moon
القمر في رمضان | Ramadan moon
و مع الاستعداد التام لشهر رمضان
كل عام و أحداث رؤية الهلال , ممكن يخطُر
علي بالك بعض التساؤلات !
هو إزاي بيتم رصد هلال رمضان ؟ , و
يا تري شكل القمر في رمضان عامل إزاي ؟ , و هل للقمر أشكال متعددة ؟
"عزيزي القارئ في ظل هذه الأجواء الرمضانية الجميلة يمكنك متابعة هذا البلوج للرد علي تساؤلاتك"
كيفية رصد هلال رمضان؟
رؤية هلال رمضان من الأحداث المهمة جدًا و اللي بينتظرها العالم العربي و الإسلامي كل سنة للتأكد من الموعد الرسمي للشهر الكريم.
في اليوم ال29 من شهر شعبان و خصوصًا بعد غروب الشمس بتبدأ عملية مراقبة هلال رمضان , و اللي بتختلف رؤيته من بلد لبلد و ده علي حسب الطريقة اللي بتعتمد عليها كل دولة سواء كان عن طريق المنظار , التيليسكوب , الحسابات الفلكية أو حتي بالعين المجردة!
شروط رؤية الهلال في ليلته الأولي؟
و من شروط رؤية الهلال و اللي لازم يتوافر وجودها :
أولًا : ولادة الهلال , و تكون قبل غروب الشمس , و ده معناه إنه ينتهي دورانه حول الأرض و يبدأ دورة جديدة.
ثانيًا: إن الهلال يفضل موجود حتي بعد غروب الشمس.
ثالثًا: إن مدة وجود الهلال بعد غروب الشمس لا تقل عن نصف ساعة فقط.
أماكن رؤية الهلال؟
و من الأماكن اللي من خلالها نقدر نشوف الهلال بشكل واضح هي الأماكن المرتفعة و اللي بتكون بعيدة عن أي شئ يحجب الرؤية سواء كان جبال , تلال أو مباني مرتفعة , بالإضافة كمان إن العوامل الطبيعية ذي الرطوبة , الغبار و الغيوم ممكن تؤثر علي رؤيتنا للهلال بشكل صحيح.
"و الآن ينتقل حديثنا للتعرف علي أطوار القمر علي مدار الشهر و لماذا تحدث ؟ "
لماذا تحدث أطوار القمر؟
الأطوار و المراحل بتتكون نتيجة إن القمر بيعكس الضوء الساقط عليه من الشمس فبيظهر كإنه مضيء في الليل , و أثناء دورانه حول الأرض بيظهر كإن شكله بيتغير في السماء , و ده نتيجة التغير في المقدار اللي بنشوفه من سطح القمر المواجه للأرض , وبالتالي ترتيب مواقع الشمس , و الأرض , و القمر بيتحكم بمقدار الضوء الساقط علي القمر من الشمس , فبيتم إضاءة أجزاء معينة من القمر و أجزاء أخري بتظهر معتمة , و نتيجةً لهذا تحدث الأطوار القمرية.
أطوار القمر؟
القمر بيمر خلال الشهر ب 8 مراحل متتالية بيُطلق عليها اسم "أطوار" , و خلال كل مرحلة من المراحل دي بيتغير شكل القمر و نسبة إضاءته حسب القرب أو البعد عن الشمس , زي مثلًا في مرحلة القمر الجديد , القمر بيكون قريب جدً من الشمس في السماء , و عشان كده مش بيضيء أي جانب من جوانبه الظاهرة للأرض.
يستغرق القمر حوالي 27 يوم للدوران حول الأرض , و لكن عشان يكمل دورة تامة و كاملة و ينتقل من مرحلته الحالية لمرحلة أو طور جدير بيحتاج ل29 و نص.
الأطوار:
1- القمر الجديد أو المحاق"New Moon ": و ده بيبدأ من غروب اليوم ال 29 وبيستمر لمدة 3 أيام ونصف , و في المرحلة دي القمر بيكون مظلم بشكل كلي و مش بنقدر نشوفه في السماء.
2- الهلال المتزايد" Waxing Crescent" : و ده بيستمر لمدة 3 أيام ونصف بمعني إنه بينتهي بإنتهاء اليوم ال 7 من الشهر , و في المرحلة دي نقدر نشوف جزء بسيط جداً من القمر في الوقت اللي بيلي غروب الشمس وبيستمر لدقايق قليلة جدًا و بعد كده بيختفي.
3- التربيع الأول"First Quarter" : و ده بيبدأ بالظهور بدايةً من غروب اليوم ال 7 وبينتهي بعد 3 أيام ونصف , يعني في منتصف اليوم ال 11 , و هنا يظهر القمر بوضوح بشكل نسبي , و نتيجة لكدا نقدر نشوفه مضيء بنسبة تتراوح بين %25 إلى 50%.
4- الأحدب المتزايد" Waxing Gibbous" : و ده بيبدأ من منتصف اليوم ال 11 وبينتهي في اليوم ال 14 , و في المرحلة دي بنقدر نشوف نصف قرص القمر مضيء بشكل واضح.
5-البدر" "Full Moon: و ده بيبدأ من اليوم 14 إلى اليوم ال 16 أو ال17 , و هنا القمر بيضيء بشكل كامل وبنقدر نشوفه بوضوح و بإضاءة قوية في السماء.
6- الأحدب المتناقص" Waning Gibbous": و في الطور ده مفيش تاريخ محدد لبدايته لكنه بيبدأ في مدة تتراوح بين 3 ل 7 أيام من انتهاء طور البدر , و القمر بيبدأ في التناقص تدريجيًا.
7- التربيع الثاني""Last Quarter : بتتراوح مدة ظهور الطور ده بين 7 ل 10 أيام من إنتهاء طور البدر و إنتهاء طور الأحدب المتناقص , و بيستمر القمر في التناقص تدريجيًا.
8- الهلال المتناقص" Waning Crescent" : بيبدأ الطور ده عادةً بعد غروب اليوم ال 27 و بيستمر في التناقص حتي يصبح مظلمًا بشكل كامل.
و بعد كده بيبدأ ولادة القمر الجديد ليعلن بدء شهر جديد !
"The Moon puts on an elegant show, different every time in shape, color, and nuance."
Arthur Smith_
References:
تعليقات