الأحلام | Dreams
الأحلام| Dreams
هو أنا بحلم ليه؟ هو أنا ممكن أشوف مستقبلي في
الحلم؟ هو الحلم ده حاجة عابرة ولا حاجة مهمة في حياتنا؟ هو أنا ممكن أتعلم من
الأحلام؟ مين الناس اللي بشوفهم في الحلم؟ ليه مبفتكرش الحلم؟
خلينا نبدأ بحقائق
سريعة عن الأحلام :-
I. يمكن مش كل الناس بتفتكر إنها حلمت
بس الإنسان بيحلم من 3 ل 6 مرات كل يوم.
II. من المعتقد إن كل حلم بيكون من 5 ل20 دقيقة.
III. أول ما الإنسان بيصحى بينسى حوالي 95% من الأحلام اللي شافها.
IV.الحلم ممكن يزود من حفظ عقلك للذكريات.
V. الناس اللي بتعاني من العمى بتحلم
بس مش على هيئة صور ممكن بتستخدم الروائح و الأصوات.
إيه هي الأحلام؟
الأحلام هي عبارة عن قصص و صور عقلنا بيخلقها و إحنا نايمين؛ و هي حالة من الوعي اللي بتتعايش مع الحاضر متأثرة بالماضي و إستعدادًا للمستقبل. ممكن
الأحلام تبقى ممتعة، مضحكة، مزعجة، مخيفة...الخ.
هل في تفسير علمي للأحلام؟
الأحلام بتشكل تحدي دائم و أبدي للعلماء نظراً لإن مفيش جانب ملموس نقدر ندرسها منه، و لكن ظهرت بعض النظريات اللي شايفة إن الأحلام ديه عبارة عن شباك بيطل على اللاوعي Subconscious
وإنها بتحمل معنى في حياتنا، و نظريات تانية بتقول إن الأحلام ديه ما هي إلا
طريقة للبقاء و التعامل مع تحديات حياتنا. لكن حتى الآن لا يوجد تفسير علمي مؤكد للأحلام.
طب أنا بحلم ليه؟
بالنسبة للسبب اللي بيخلي الشخص يحلم في العديد من
النظريات.“Freud’s Theory”
بتنص النظرية على أن الأحلام عبارة عن بوابة اللاوعي و الأفكار المكبوتة وكان بيؤمن بشدة بأثر الطفولة على الشخص وإن أي قصة بيكون وراها سبب أكبر من اللي الشخص بيعتقده.
من الناحية الأخري من وجهة نظر“Carl Jung” الأحلام كانت وسيلة لإختبار الحياة بأريحية. في نظريات بتقول أن الأحلام ديه عبارة عن ترجمة العقل للإشارات اللي جاية من الجسم أثناء النوم. و نظريات تانية بتقول إن ما هي إلا معالجة لأحداث اليوم. و كثرت النظريات.
طب هل للأحلام فوائد؟Function of Dreams.
نظراً لإن الأحلام معظم الأوقات بتكون مبنية على أحداث واقعية فهي بتعمل كنوع من أنواع المحفزات اللي
بتساعد الشخص على التغلب على مشاكله اليومية وبعض العلماء بيعتبروه نوع من أنواع العلاج النفسي.
يعني مثلاً لو أنت بتعاني من PTSD أو صدمة أو فقد لشخص عزيز عليك في الحلم عقلك بيبدأ يحفز المشاعر ديه عشان تقدر تتعامل معاها. “
Matthew Walker, a neuroscientist at the University of California” عمل دراسة أثبتت إن لما الشخص بيمر بصدمة جسمه بيفرز هرمون الطوارئ اللي بيجعل عقلك يعتبر الحادثة ديه من الأولويات اللي بيخليك تحلم بيها وبالتالي بيجبرك على إظهار مشاعرك الحقيقة تجاه الصدمة ديه والتعامل معاها.
يعني مثلاً لو أنت بتعاني من PTSD أو صدمة أو فقد لشخص عزيز عليك في الحلم عقلك بيبدأ يحفز المشاعر ديه عشان تقدر تتعامل معاها. “
Matthew Walker, a neuroscientist at the University of California” عمل دراسة أثبتت إن لما الشخص بيمر بصدمة جسمه بيفرز هرمون الطوارئ اللي بيجعل عقلك يعتبر الحادثة ديه من الأولويات اللي بيخليك تحلم بيها وبالتالي بيجبرك على إظهار مشاعرك الحقيقة تجاه الصدمة ديه والتعامل معاها.
هل الأحلام بتأثر على المذاكرة؟Dream & Learn
طبقا للباحثين فيHarvard
Medical School لو كنت بتذاكر حاجة و بعدين نمت وحلمت بيها ده بيحسن من استيعابك للحاجة ديه 10 مرات من وأنت صاحي.
مراحل النوم phases of sleep:
في 5 مراحل للنوم.
المرحلة الأولى: بتمثل4-5% من النوم، بتبدأ حركة العين و عضلات الجسم تبطأ.المرحلة الثانية: بتمثل 45-55% من النوم، بتتوقف العين عن الحركة و بتنقل الموجات اللي جاية من المخ مع موجات سريعة فجائية اسمها “Sleep Spindles”.
المرحلة الثالثة: بتمثل من 4-6%، و بتبدأ تظهر موجات بطيئة جدا اسمها “Delta Waves” بتقطعها موجات صغيرة سريعة.
المرحلة الرابعة: من 12-15%، و خلالها العقل بتنحصر موجاته على “Delta Waves”.
المرحلة الخامسة: 20-25%، بيطلقوا عليها (Rapid Eye Movement-REM) بتكون حركة العين سريعة و كذلك معدل التنفس و بتدخل الأطراف في حالة من الشلل المؤقت، ضغط الدم بيعلى؛ و الحلم بيحصل في المرحلة ديه.
“Lucid Dreams”
فيها الإنسان بيكون مدرك تماماً إنه في حلم وبيكون عنده سلطة على الحلم ده و القدرة على التحكم
فيه.
حوالي 50% اختبروه على الأقل مرة و حوالي 20% من الناس بيختبروه بشكل متكرر.
حوالي 50% اختبروه على الأقل مرة و حوالي 20% من الناس بيختبروه بشكل متكرر.
محتوى الحلم Dream Content
تعالوا بقى نتكلم عن اللي بنشوفه في الحلم.
أولا الموضوع :
ممكن بيكون نتيجة لتثبيط فكرة معينة. في دراسة تم الطلب من 15 شخص عدم التفكير في حاجة معينة لمدة 5 دقايق قبل النوم (فلنفترض إنها العربيات مثلاً) و أظهرت الدراسة إن موضوع الحلم كان عند الأغلبية هي الحاجة ديه ( العربيات)؛ سبب تاني ممكن يكون تأثير خارجي أثناء النوم يعني لو سمعت موسيقى هادية مثلاً هاتحلم أحلام سعيدة.ثانيا الشخصيات:
تم عمل دراسة على 320 شخص أظهرت النتائج إن حوالي 48% بيكون الشخص على معرفة بيهم و باسمائهم، 35% ليهم دور (زي الشرطي، رجل المطافيء...) ممكن يكون ليه علاقة بالشخص زي ( صديق، قريب، جار...)،16% غير معروفين.طب ليه مبفتكرش الأحلام بتاعتي؟
في عدة عوامل ممكن تاثر في القدرة على تذكر الحلم زي
العمر: أثبتت الدراسات إن القدرة على تذكر الحلم بتقل عند البلوغ و بيبدأ الحلم يكون أقل قوة؛
عدم إنتظام النوم : الناس اللي بتعاني من الأرق بتكون عندها قدرة أكبر على تذكر الأحلام.
العمر: أثبتت الدراسات إن القدرة على تذكر الحلم بتقل عند البلوغ و بيبدأ الحلم يكون أقل قوة؛
عدم إنتظام النوم : الناس اللي بتعاني من الأرق بتكون عندها قدرة أكبر على تذكر الأحلام.
هو كل الناس بتحلم بالألوان؟Colors vs. Black& White
الألوان بتلعب دور أساسي في أحلامنا لكن هل في ناس أحلامها بتكون أبيض و
اسود؟ تم عمل دراسة و خلالها لقى الباحثون إن حوالي 80% بس من الناس اللي أقل من سن 30 و إن 20% من الناس
اللي أكبر من سن 60 بس بيحلموا
بالألوان.
و تم ملاحظة إن عدد الناس اللي أعمارهم تتراوح من 20-40 و بيحلموا بالألوان زاد من سنة 1993 الى سنة 2009 و العلماء افترضوا إن ده حصل نتيجة لصنع التلفزيون اللي بالألوان.
و تم ملاحظة إن عدد الناس اللي أعمارهم تتراوح من 20-40 و بيحلموا بالألوان زاد من سنة 1993 الى سنة 2009 و العلماء افترضوا إن ده حصل نتيجة لصنع التلفزيون اللي بالألوان.
هل ممكن اني أشوف المستقبل في الحلم؟Predict The Future
في بعض الناس
بتدعي أنها بتقدر تشوف المستقبل و بعض العلماء بيقولوا إننا ممكن نشوف المستقبل في
الحلم و لكن لا توجد أدلة كافية لإثبات صحة الكلام ده. و التفسير للظاهرة ديه ( صدفة، او ذكرى خاطئة، أو أن المخ ربط بين الأحداث اللي
في حياتك و استنتج النتيجة و عرضها على هيئة حلم).
الكوابيسNightmares
الكوابيس ما هي إلا أحلام بتسبب إن الشخص يشعر بمشاعر
مضطربة و إنزعاج أو خوف. و هي بتحصل
نتيجة لعوامل مختلفة زي ( القلق،
الصدمة، الخوف، المرض، ممكن تحصل كأثر جانبي لبعض الأدوية...).
"They do not deceive, they do not lie, they do not distort or disguise .. they are invariable seeking to express something that the ego does not know and does not understand."
Jung wrote about Dreams.
تظهر الإعلانات هنا
تعليقات