ما هى أنواع التشنجات ،وما هى أعراض المتلازمة؟

التشنجات فى منها نوعين بناء على المكان زى ما قولنا فى الأمثلة 

: زى مثلا ان الأيد أو الرأس تتحرك أو رفة العينMotor ticsنوع بيشمل العضلات 

: زى يطلع صوت كحة أو زعطة وممكن توصل لكلمات Vocal ticsنوع بيشمل الأصوات 

كمان بيتم تقسيم التشنجات لنوعين بناء على الأجزاء اللى بتتأثر

: والنوع دا بيشمل جزء واحد من الجسم بس اللى متأثر Simple ticsنوع بسيط 

: النوع دا بيشمل كذا جزء من الجسم فى نفس الوقت Complex ticsنوع معقد 

بيلاقى إن ايده بتتحرك ورقبته فى نفس الوقت وساعات يلاقى نفسه بينط أو بيقلد حركات الناس وطبعا النوع دا بيكون عنيف جدا مقارنة بإنه لو جزء واحد بس بيتحرك

 اللى قولنا عليها سواء كانت حركات أو أصواتTicsالأعراض اللى بتكون ظاهرة بتكون ال 

زى ما قولنا أمثلة كتير عليها وهنلاقى كمان فيديو بيوضح الامثلة دى هنا 

https://www.youtube.com/watch?v=_ZfpJbjgCcI

ونخلى بالنا إنها بتحصل فى الأطفال تحت 18 سنة ونسبة إصابة الولاد أكتر تلت مرات من البنات ، بتكون مستمرة لأكتر من سنة ،الأعراض دى بتزيد مع التعرض للتوتر أو الضغط ولقوا إنها فى أشخاص قلت معاهم مع التقدم فى العمر واختفت كمان ولكن فى ناس لقوا العكس الحالة ساءت كل ما كبروا فالموضوع مع الوقت هيحصل ايه مش مقياس محدد.

 أو إنها تكون شتايم (Coprolalia) كمان الأصوات بتاعتهم تكون تكرار كلمات مفهومة عادية

 ولكن الحالات دى نادرة جدا إنها تحصل.(echolalia)

الموضوع بيكون عامل كدة زى وأنت بتعطس بيكون فى كام ثانية كدة أنت عارف إنك هتعطس ، هنا برضو ساعات بيكون عارف قبل ما يعمل الحركة والصوت اللى بيطلعوا ،  فيعرف إنها هتحصل دلوقتى زى مثلاPremonitory urgeبيحس بإحساس معين بسميه 

سخونة فى المكان أو احمرار شوية أو نغزة فى المكان ،شبه كدة مريض الصداع النصفى برضو بتلاقيه بيقولك أنا هيجيلى الصداع دلوقتى من علامات هو اتعود عليها مع الوقت

ما هى أسباب المرض؟

أسباب المرض غير معروفة ،ولكن فى نظريات عن السبب الفعلى فى ناس بتقول إنه سبب جينى ولكنهم لسه لحد دلوقتى مربطوش الموضوع بجين معين لقوا كذا جين بيكون فيه طفرة فبيحصل خلل فى الترابط العصبى فى المخ ،فى نظرية بتقول إنها بسبب النواقل العصبية زى الدوبامين والسيروتونين وغيرهم وأماكن معينة فى المخ ودى اللى هنعتمد عليها فى العلاج 

دلوقتى هفهمك نوعا ما النظرية التانية بتفاصيل أكتر يهمنى تعرف بس الكام اسم دول

Thalamus = منطقة المهاد (اللون البنفسجى فى الصورة)

 Basal ganglia = العقد القاعدية (بقيت الاسامى فى الصورة)

Cortex = القشرة المخية

فى الحركة العادية بتاعتنا مخنا هنعتبره شركة كبيرة فيها موظفين بينفذوا الحركة وسكرتير (منطقة المهاد) ومستشارين (العقد القاعدية) ومدير (القشرة المخية) ببساطة السكرتير مجنون شوية لما بيشتغل بيبعت بوسطة مهمة ومش مهمة للمدير (بيبعت اشارات غير منتظمة للقشرة) ولكن عندنا مستشارين بيوقفوه عند حده يدخلوا المهم بس (المستشار بيلغى الاشارات اللى مش محتاجها فاقدراتحرك حركة منتظمة) وبكدة وظيفة المستشار انه يفرمل السكرتير فى العادى طب فى المرض بتاعنا بقى النظرية بتقول ان السكرتير بتاعنا بيفشل انه يوقف السكرتير فبيوصل للمدير بوسطة ملهاش لازمة فبيحصل الحركات بتاعة المرض بقى.

التشخيص

مفيش تحليل معين اقدر انى اعمله فاعرف انا عندى المرض ولا لا ،ولكن بعرفه من شكل الحالة نفسها أقل من 18 سنة والتشنجات الصوت والحركات مع بعض بس مش ضرورى فى نفس الوقت ومستمر لأكتر من سنة واتاكد ان الحركات دى مش بسبب أمراض تانية أو أدوية بياخدها وفى بعض الحالات ساعات بنعوز تصوير بالرنين المغناطيسى أو رسم مخ 

وعادة ما بيكون المرض مصاحب لأمراض تانية زى فرط الحركة وتشتت الانتباه – الوسواس القهرى – الاكتئاب – القلق – التوحد - مشاكل فى التعلم والنوم والتواصل

العلاج

المرض ملوش علاج لو اتاخد هيخليه يخف ،ومع ذلك بنحاول إننا نعمل تحكم فى التشنجات سواء بالأدوية أو العلاج السلوكى الأهم طبعا خصوصا إنه بيجيب نتايج أحسن 

: ودا فى منه نوعين Cognitive Behavioral Therapyالعلاج المعرفى السلوكى 

: وهنا بدرب المريض إنه يعرف الإحساس اللى بيجيله Habit reversal trainingاول نوع 

قبل ما تحصل التشنجات علطول وأول ما يحسها يبدأ يعمل حركة فى الاتجاه المعاكس يعنى مثلا لو التشنجات اللى عنده بيحرك رقبته يمين فأول ما يحس إنها هتحصل خلاص يروح محرك رقبته براحه ناحية الشمال لأن المخ مش هيشغل إشارتين مختلفين فى نفس الوقت فهيقلل من التشجنات اللى بتحصله بنسب حلوة 

: بعرف ايه بيخلى التشنجات تحصل Exposure with response preventionتانى نوع 

مثلا القلق أو توتر أو نظرات الناس وأبدا إنى اعرضه لمواقف بسيطة زى دى لحد ما يتعود عليها ويحس إنها عادى فالتشنجات هتبقى أقل

طب لو جربت العلاج السلوكى وبرضو لسه بتحصل أو لو التشنجات اللى بتحصله بتكون عنيفة اوى ساعتها لازم أتدخل واديه أدوية وقولنا إنى اعتمادى فى أغلب الأدوية هيكون معتمد على أدوية بتلعب على النواقل العصبية 

Anti-Psychoticsمضادات الذهان : aripiprazole – haloperidol – risperidone 

دى أحسن مجموعة بس لازم تكون بجرعة صغيرة وإنها ممكن تسبب زيادة فى الوزن

Anti-epilepticمضادات الصرع : topiramate 

والدوا دا ممكن يسبب نقص فى الوزن أو  زيادة معدل تكوين حصوات فى الكليتين

Anti-depressantsمضادات الاكتئاب : fluoxetine – paroxetine – sertraline 

بستخدمهم أكتر لو المريض عنده توريت مع اكتئاب

Central adrenergic inhibitors: Clonidine 

دا اصلا دوا ضغط بس مبقاش يستخدم دلوقتى ممكن إنى استخدمه فى التحكم شوية ،ولكنه هيخلى الضغط يقل وهيعمل دوخة وهيخلى المريض عاوز ينام

Botulinum injection: بديها فى العضلة فمتستجبش للإشارة اللى جيالها بستعلمها بس لو التشنجات فى منطقة محددة مش كذا منطقة

كمان لو هو مريض فرط الحركة وتشتت الانتباه بديله علاجه وعموما انا بشوف لو عنده أمراض مع المتلازمة وأعالجهم مع بعض 

Deep Brain Stimulation (Last choice): لو كل حاجة فشلت بزرع جهاز شبه البطارية

فى الدماغ فيقدر يصحح الكهربا بتاعة المخ والعملية دى اتعملت قبل كدة ونجحت فعلا ولكن مش بتنفع لكل الناس خصوصا إن نسبة الخطورة عالية لإنى بزرع جهاز فى المخ

 المغنية ودا قالته فى محادثة هنا وفى Billie Eilish من المشاهير اللى عندهم توريت 

غيرها كمان كتير من المشاهير اللى كان عندهم المتلازمة

https://www.youtube.com/watch?v=dpB1MB-0vuc

 من قصة حقيقيةFront of the class 2008واتعمل أفلام عن متلازمة توريت 

 وازاى قدروا إنهم يواجهوا المرض ويتعاملوا معاهHichki 2018 وفيلم 

وأخيرا لازم إننا ننشر الوعى فى التعامل معاهم ونحاول نتفادى إحراجهم أو إنهم عمرهم ما هيحققوا حاجة بل بالعكس لازم نساندهم وندعم أحلامهم وطموحاتهم ونساعدهم إنهم يحققوه