عمرك سمعت عن جسم بيحارب نفسو؟ عمرك سمعت عن مرض السبب بتاعو هو جسمك مش أي

عدو خارجي من برة؟ طبعاً الموضوع غريب أوي و غير معتاد، لإن احنا متعودين لما حد يكون مريض

بنبقى عايزين نعرف ايه السبب؟ بكتيريا؟ فيروس؟ بس مش بنبقى متوقعين ان الجسم نفسو هو الي مسبب

المرض دا لنفسو، عشان كدة هحكي شوية عن النوع دا من الأمراض

أمراض المناعة الذّاتيّة

هي مجموعة أمراض تصيب الجهاز المناعي، و تكون إّما بسبب فرط في نشاط الجهاز المناعي أو

انخفاض في نشاطه. في حالة فرط النشاط يقوم الجسم بمهاجمة و تدمير أنسجة الجسم نفسه أما في

حالات انخفاض المناعة تقل قدرة الجسم على محاربة الأجسام الغريبة مما يزيد من حساسية الجسم

للإصابة بالعدوى 

يقوم الجسم خلال استجابته لأي مثير خارجي بإنتاج أجسام مضادة و لكن من الممكن أن

تقوم هذه الأجسام المضادة بمحاربة الجسم نفسه بدلاً من محاربة الجسم الغريب، و في أغلب

الحالات يكون علاج أمراض المناعة الذاتيّة هو تقليل مناعة الجسم

أمراض المناعة الذاتية هي مجموعة من الأمراض مش مرض واحد بس و هنتكلم دلوقتي عن كل مرض بشكل مختصر

1. الالتهاب المفصلي الروماتويدي (Rheumatoid Arthritis)

 و في النوع دا الجسم بيطلّع أجسام مضادّة بتهاجم المفاصل نفسها و بتقوم عاملة فيها

التهابات و انتفاخات و وجع رهيب. و لو متمّش علاجها ممكن مع الوقت

تسبب في تدمير المفاصل تماماً و ممكن عشان العلاج ناخد الأدوية الي

بتقلل المناعة عن طريق الفم أو حتّى حُقن. في النوع دا بالذات الأحسن إننا ناخد

مركب (Combination) من الأدوية أحسن من إننا ناخد دوا لوحدو و دي أمثلة على الأدوية الي ممكن ناخدها:

 ١. أدوية مضادة للرومايتزم معدلة للمرض

(Disease Modifying Anti Rheumatic Drugs) DMARDs

 ٢. معدلات استجابة حيويّة (Biological Respose Modifier) 

‏٣.الكورتيزونات (‏Glucocorticoid‏)‏

٤.مسكّنات للألم (Analgesics)

2. الذئبة الحمراء (Systemic Lupus Erythromatosus)

و فالنوع دا الأجسام المضادة الي بيطلعها الجسم بتمسك بأنسجة الجسم المختلفة

و بتهاجمها زي المفاصل و الرئتين و الخلايا الحمراء والأعصاب

والكليتين و هنا العلاج بيكون برضو دواء بيقلل المناعة وهو من الأدوية الستيرويدية (Steroid Prednisone)

3. داء الأمعاء الالتهابي (Inflammatory Bowel Disease)

ليه كذا شكل بس من أشهرهم هما التهاب القولون التقرحي (Ulcerative Colitis)

و داء كرون (Crohn’s Disease) هنا بيقوم جهاز المناعة بيطلع أجسام مضادة

بتهاجم الغشاء المحيط بالأمعاء و بيعمل شوية أعراض ليها علاقة بالجهاز الهضمي

زي الإسهال و نزيف شرجي (Rectal Bleeding) وارتفاع بدرجة الحرارة و نقص

في الوزن ووجع في البطن و بنعالجو برضو زي الي قبليه بأدوية تقلل المناعة عن طريق الفم أو حتّى حقن

 4. داء السكري النوع الأول (Diabetes Mellitus Type 1)

مفاجأة طبعاً إن مرض السكر طلع واحد من أمراض المناعة الذاتية، و فالمرض دا الهجوم

بيكون على خلايا البنكرياس الي بتطلع الإنسولين و العلاج هنا مبيبقاش دوا يقلل المناعة لاء،

بيبقى حقن إنسولين عشان تعوض الانسولين الي مش بيطلع من البنكرياس 

5. متلازمة غيلان باريه (Guillian Barre Syndrome)

 بتقوم فيها المناعة بمهاجمة الأعصاب الي واصلة للساقين و أحيانا الذراعين

و الجزء العلوي من الجسم و النوع دا مميز إنو بيتسبب بضعف ووهن (Weakness)

و علاجه الانسب بيبقى تصفية الدم بطريقة اسمها (Plasmapheresis) أو فصل البلازما

6. اعتلال الأعصاب المُتعدِّد المزيل للميالين الالتهابي المزمن (Chronic Inflammatory)

Demyelinating Polyneuropathy) CIDP والمرض

دا شبه متلازمة غيلان باريه الي اتكلمنا عنها حيث بتقوم الأجسام المضادة بمهاجة الأعصاب

بس الأعراض هنا بتدوم فترة أطول وبيكون 30% من المرضى مُعرَّضين

إنهم ينتهي بيهم الأمر على كرسي متحرك لو ما اتعالجوش بأسرع وقت. العلاج

بيبقى بالضبط زي علاج متلازمة باريه بتصفية الدم بطريقة ال (Plasmapheresis) أو فصل البلازما

7. التصلُّب اللُّويحي (Myasthenia Gravis)

و هنا الأجسام المضادة بتمسك بنوع معين من المستقبلات الموجودة على العضلات الإرادية

و بتخليها متعرفش تنقبض كويس و برضو هنا العرض الأساسي هو الوهن يلي بيزيد مع الوقت

و العلاج ممكن يكون أدوية بتقلل المناعة أو ممكن دواء اسمو (Pyridostigmine) و هو واحد

من مثبطات انزيم الاسيتيل كولين استريز (Acetylcholine esterase Inhibitor)

8. التصلب المتعدد (Multiple Sclerosis)

برضو الأجسام المضادة بتهاجم الأعصاب وأعراضها بتبقى وهن وتشنج في

العضلات و ممكن حتى تؤدي للعمى

9. الصدفية (Psoriasis)

مين كان ممكن يتخيل إن الصدفية مرض مناعي! في الصدفية بتتجمع خلايا المناعة

و خاصة الخلايا التائية عند البشرة و دا بيخلي البشرة تتجدد بسرعة أكتر من الطبيعي

بكتير فبتقوم بإنتاج لويحات متقشرة و لعابية على البشرة

10. مرض جريفز (Grave’s Disease)

و هنا بقى الأجسام المضادة بتخلي الغدة الدرقيّة (Thyroid Gland) تفرز كميات أكبر

من هرمون الدرقية (Thyroid Hormone) للدم و دا بنسميه فرط نشاط الغدة

الدرقية (Hyperthyroidism). الاعراض بتبقى جحوظ في العينين (Bulging Eyes) ونقصان في

الوزن وتوتر وتهيّج و سرعة في ضربات القلب ووهن وتقصُّف الشعر. العلاج بيبقى اننا نستأصل

الغدة او ندمرها اما جراحياً أو بالأدوية

11. داء هاشيموتو (Hashimoto’s Disease)

هنا بقى عكس الي فوقيه، هو آه صح الأجسام المضادة بتهاجم الغدّة الدرقيّة بس ‏هنا بتدمرها

مش العكس زي داء جريفز و بالتالي بتقلل إفراز هرمون الدرقيّة و ‏دا

الي بنسميه (‏Hypothyroidism‏) و اعراضو بتكون إرهاق وإمساك ‏وزيادة في الوزن

و اكتئاب و جفاف في البشرة وعدم تحمل البرودة . العلاج ‏هنا بيكون إني آخد هرمون

الثيروكسين مصنع عن طريق حبوب فمويّة‎

دي كانت بعض أمراض المناعة الذاتيّة و لسا في غيرهم كتير و أقل حاجة ممكن تقدمها للمرضى

هي إننا نبقى عارفين هما بيعانو من ايه عشان نقدر نحس بيهم و بآلامهم 

Nothing In Life Is To Be Feared, It Is Only To Be Understood. Now Is The Time To Understand More, So That We May Fear Less.” ― Marie Curie

المصادر:

1. Https://Www.Webmd.Com/A-To-Z-Guides/Autoimmune-Diseases

2. https://www.mayoclinic.org/ar/diseases-conditions/multiple-sclerosis/symptoms-causes/syc-20350269

3. https://www.mayoclinic.org/ar/diseases-conditions/graves-disease/symptoms-causes/syc-20356240