Diagnosis التشخيص:

التشخيص بيبدأ بأنى بشوف تاريخ العائلة المرضى لانه ممكن يكون

وراثة و ببدأ اعمل فحصوات للعين و دى ببدأ اعملها لو الشخص اشتكى

انه مش بيشوف كويس او عنده صعوبة فى القراءه 

طب ايه هى انواع ضعف البصر !؟

عندنا اربع انواع

النوع الأول: و هو قصر النظر Myopie و دا ببساطة جداً انك بتكون قادر تشوف الحاجات

القريبة و عندك مشكلة فى انك تشوف الحاجات البعيدة و دا بيحصل بسبب انحدار قرنية

العين و زيادة طول العين بحيث ان كل زيادة ملم بتضعف النظر تلت درجات و كل دا بيصاحبه

احيانا صداع و ضغط على العين و بتكون محتاج انك تغمض عينك نصف اغماضه

و صعوبة فى القيادة خاصة أثناء الليل ( العشى الليلى )

النوع التانى: و هو مد النظر Hypermetropie او بمعنى اصح هو طول النظر و فى

الحالة دى الشخص بيشوف الحاجات البعيدة واضحة و عنده مشكلة فى رؤية

الحاجات القريبة ،و دا بسبب قلة انحدار شبكية العين و دا بيخلى الصورة تتكون

ورا الشبكية ،و دا برضو بيصاحبه صداع و انك بتغمض عينك نصف اغماضه .

النوع التالت: هو اللابؤرية Astigmatisme ،و هو خلل شائع فى تحدب العين بيسبب

عدم وضوح رؤية البعيد و القريب ،و الرؤية المشوشة ،و دا بسبب التحدبات غير

متطابقة في السطح الأمامي للعين (القرنية) ،و دا بيسبب الصداع عند اجهاد العينين ،

و ممكن تيجى مع قصر النظر او طول النظر.

النوع الرابع : هو طول النظر الشيخوخي Presbytie ،و دى حالة بتصيب الناس

من 40 ل 50 سنة ،و دا بسبب السن الشخص بيبدأ يفقد قدرته على التركيز ،و رؤيته

الحاجات القريبة ،و خاصة فى الضوء الخافت ،و أثناء القراءة.

انواع العلاج:

النوع الاول : النظارات الطبية و هى بتوفر للمريض رؤية البعيد و القريب و تساعد على

حماية العين من الشمس و لكن ليها بعض العيوب زى انها بتشكل ضغط على الأنف

و ممكن تسبب انحناءات فى الجلد و ايضاً انها لا تتيح رؤية كاملة للحقل البصرى

و ممكن تعيق الحركة برضو. 

النوع التانى و هو العدسات اللاصقة و هى عبارة عن عدسات بلاستيكية شفافة

تتناسب مع حجم قرنية العين فيها نسبة كبيرة من المياه، فتوفر للشخص رؤية

شاملة و واضحة للحقل البصرى و لا تشوه المظهر الخارجى و مناسبة جدا

مع الرياضيين.

و للعدسات بعض السلبيات زى انها بتسبب التهاب لقرنية العيب و جفافها

و الحساسية خصوصاً عند استعمالها لفترات طويلة و كمان لازم نخلى

بالنا انها نضيفة علطول و نشيلها قبل النوم و ينصح بوضعها من اربع لسبع

ساعات فقط فى اليوم و تنظيفها بمعقم و عدم تنظيفها بالماء و نحافظ كمان

على نضافة ايدينا و احنا بنحط العدسات.

النوع التالت : عمليات الليزك LASIK و هى وسيلة من وسائل تصحيح النظر

و لازم قبل ما نعملها نعمل حبة فحوصات و تحاليل و اهمها صورة لقرنية العين

لتحديد سماكتها و العملية تجرى من سن الثامنة عشر و لدرجات ضعف محددة او

عندما يكون النظر قد استقر على درجة معينة تتم العملية فى دقائق معدودة و يتم

وضع بنج موضعي و قد تعانى فى البداية بأوجاع خفيفة بالاضافة الى بعض

الحرارة لمدة يومين و يتم استخدام النظارات الشمسية لحماية العين و يتم وضع قطرة لفترة معينة.

النوع الرابع : و هو زرع عدسات داخل العين و العملية دى بتتعمل للاشخاص

اللى مش هينفع نعملهم الليزك و اللى عندهم ضعف عالى و بيتم

عمل فحوصات و تحاليل طبية ليهم.

افكار غلط :

1- ان استخدام النضارة الطبية او العدسات اللاصقة بيمنع ضعف النظر

و دا مش صح عشان هم مجرد وسيلة عشان نشوف بوضوح و مش علاج

و لكن عدم استخدامهم دا بيؤدى الى ضعف النظر و كمان اننا نلبسهم دا ضرورى

جدا خصوصاً للأطفال تحت سن السابعة عشان يشوفوا بصورة واضحة

و عشان ينمو قوة النظر بتاعتهم و عينهم ماتصابش بالكسل.

2- ان الجزر بيقوى النظر و دى فكرة مش صح بس كل اللى فى الموضوع

ان الجزر فيه فيتامين A اللى بيساعد فى انه يقلل مخاطر امراض العين.

3-  ان القراءه فى الضلمة دا بيقلل النظر كل اللى بيحصل انه بيجهد العين

و دا بيكون شئ مؤقت و كمان الناس زمان كانت بتقرأ فى الضلمة عادى

من غير ما يحصلها حاجة و كمان اتعمل ابحاث و اثبتت الكلام دا.

4- ان فحص العين على الكمبيوتر دقيق و دا محصلش الكمبيوتر دا بدأنا

استخدامه فى الفترات الاخيرة عشان نكشف عن وجود العيوب الانكسارية

و هو غير دقيق و يعتبر حاجة مبدأيه و عشان كدا لازم نكمل عند دكتور العيون

و مانعتمدش على الكمبيوتر فى تحديد مقاس النضارات الطبية.

The eyes are the window to your soul

William Shakespeare

:References

https://www.lebarmy.gov.lb/ar/content/%D8%B6%D8%B9%D9%81-%D8%A7%D9%84%D9%86%D8%B8%D8%B

https://www.magrabi.com.sa/ar/blog/%D9%82%D8%B5%D8%B1-%D8%A7%D9%84%D9%86%D8%B8%D8%B1/

https://www.magrabi.com.sa/ar/blog/%D9%82%D8%B5%D8%B1-%D8%A7%D9%84%D9%86%D8%B8%D8%B1/