Global Warming| الإحتباس الحراري وتأثيره على الأرض
الأقطاب الجليدية الجنوبية والشمالية بتذوب، حرائق الغابات، إرتفاع منسوب المياه في البحار
والمحيطات، الحياة البرية لكثير جدًا منا الحيوانات بقت على المحك
وكلنا شوفنا وسمعنا عن حرائق غابات أستراليا السنادي وإن أستراليا بطبيعتها بتحوي
الكثير من الحيوانات النادرة والمهددة بالإنقراض فبالتالي بسبب الحرائق دي حيوانات كتير
جدا فُقدت بخلاف إن الحرائق دي بتخل بالنظام البيئي كل دا بسبب إيه؟
كل
دا بسبب الاحتباس الحراري ... الاحتباس الحراري دا نتج من تعامل الإنسان مع
التطور ومواكبة العصر الحديث اللي احنا فيه واللي نتج عنه كتير من الغازات المسماة
بغازات الاحتباس الحراري أو Greenhouse gases اللي أضرت بالنظام المناخي مما أدي الى كتير من التغيرات المعقدة
في الطقس أصبح من الصعب توقعها.
ظهر
مصطلح أثناء الكلام وهو ال greenhouse
gases واللي هيرتبط بفهمه فهم نقاط كتير جاية:
تبعا
للصورة فيه أنواع مختلفة من الغازات دي أهمها ثاني أكسيد الكربون Carbon dioxide CO2 ... دور الغازات دي مهم جدًا في الحفاظ على درجة الحرارة على كوكب
الأرض بحيث يكون الطقس مهيأ للحياة لكل الكائنات الحية بما فيهم الإنسان ....
الطريقة اللي بتعمل بيها الغازات دي إنها عندها القدرة على الإحتفاظ بالحرارة في
جزيئاتها فلما أشعة الشمس تسقط على كوكب الأرض، الأرض بتمتص جزء من طاقة الشمس دي
بالكميات اللي هي محتاجها من خلال أي صورة من صورة الحياة اللي محتاجة الشمس واللي
من ضمنها النباتات ، وبتعيد إنبعاث الطاقة دي تاني للغلاف الجوي في
صورة حرارة فبالتالي وجود الغازات دي بالنسب الطبيعية بيخلي جزء من الحرارة بيفضل
موجود والجزء الزائد بيتم طرده للفضاء ودا بيساعد على الحفاظ على درجة حرارة الأرض
وهي نفس طريقة عمل الصوبات الزراعية أو البيوت الزجاجية اللي
بتسمح لينا بزرع نباتات في أوقات مش هي الأوقات اللي المفروض تتزرع فيها من خلال
التحكم في درجة الحرارة المناسبة لدا ومن هنا جه الاسم greenhouse gases .... وجود الغازات دي بكميات طبيعية هو ضروري
جدًا طبقا
لما وصفه العالم Joseph
Fourier بإن من دون تأثير الغازات دي كانت الأرض هتكون أبرد بمقدار 33°C
..
المشكلة
هنا استخدام الإنسان المتزايد للصناعات الثقيلة والضخمة بيزود نسبة الغازات دي عن
الطبيعي فبالتالي حبس حرارة أكتر وأكتر وبالتالي إرتفاع درجة الحرارة على سطح
الكوكب بشكل كبير وهي دي ظاهرة الإحتباس الحراري
الغازات
دي هي :-
·
ثاني أكسيد الكربون carbon
dioxide CO2 . واللي نسبته زادت آخر 150 سنة
من 280 part
per million إلى 412 part per million
·
الميثان Methan CH4
.
·
غاز أكسيدالنيترات
nitrous
oxide .
·
ال fluorinated gases,زاي ال chlorofolorocarbons
أغلبهم
بينتجهم الإنسان من عمليات حرق الوقود والملوثات الجوية من عمليات الصناعات
الثقيلة أو حتى طبيعيا زاي ال nitrous
oxide من الأراضي الزراعية بعد استخدام المخصبات الكيماوية والعضوية دا
زائد المؤثر القوي على الرغم من صغر نسبته وهو
الChlorofluorocarbons (CFCs) واللي بيلعب العامل الأساسي في تأذي طبقة الأوزون
بتقاس
كميتهم ب جزء في المليون أو part
per million ... واللي ممكن تفكر إنها نسبة
صغيرة بس خطورتهما بتكمن في إنها بتقدر
تمكث في الغلاف الجوي لوقت طويل بعضها
بيقعد سنين وبعضها آلاف السنين، كل دا قدر إنه يلعب في النظام المناخي لكوكب الأرض
في آخر 150 سنة هلى الأقل واللي كان ثابت وفعال طوال آلاف السنين قبل كدا
بس هل الإنسان هو المسبب الوحيد ؟
الحقيقة
المريحة بعض الشيء هي لا مش هو بس المسبب الوحيد بس للأسف هو ليه
التأثير الأكبر، ظواهر طبيعية زاي إنفجار البراكين و تغيرات في مستوى الإشعاع
الشمسي تبعا لأسباب كونية تتعلق بالمسافات
المتغيرة بين مدار الأرض ومدار الشمس بمرور الوقت كل الظواهر دي بتأثر ... لكن
النماذج المناخية اللي بيستخدمها العلماء في متابعة درجات حرارة الأرض واللي بتاخد
العوامل دي في عين الإعتبار بتشير إن نسبة تأثيرهم لا تتعدى ال 2 % فقط دا بخلاف
إن بعض المواد المنبعثة من ثورات البراكين بتساهم أصلا في خفض درجة حرارة كوكب
الأرض بعض الشيء
فعلى
الرغم من الإنسان مش هو المسبب الوحيد بس هو المسبب الأساسي واللي بسببه نسبة ثاني
أكسيد ااكربون زادت للتلت من بدء النهضة الصناعية بعدما كان ااكوكب في حالة من
الإتزان المناخي لآلاف السنين
________________________________________________________
دي
إحصائية اتعملت من وكالة ناسا من أواخر القرن ال 19 لغاية وقتنا الحالي بتوضح
تأثير الاحتباس الحراري على الأرض
الخط
الأصفر دا الطاقة اللي الأرض بتاخدها من الشمس
بينما
الخط الأحمر التغيرات الحرارية لسطح الأرض نفسه نتيجة الطاقة اللي خدتها من الشمس
لغاية
1950 هنلاقي الخطوط ماشية ب ups
and downs بشكل طبيعي ، بعد كدا وبداية ظهور تأثير الاحتباس الحراري بشكل
واضح بدأنا نلاحظ ارتفاع تدريجي للخط الأحمر من غير يحصل ثبوت أو نزول لفترات
كبيرة
ايه هي ظاهرة ثقب الأوزون ؟
طالما
إتكلمنا على ظاهرة الإحتباس الحراري مينفش منذكرش ظاهرة موازية ليها وهي ثقب
الأوزون
طبقة
الأوزون اللي كنا درسنا قبل كدا إنها بتعاني بقالها سنين طويلة وبتقع في طبقة من
الغلاف الجوي اسمها ال stratosphere ..... هو مش زاي ما الناس معتقدة إنه ثقب بمعنى ثقب أو فتحة
كبيرة، لا لكن هي عبارة عن منطقة تركيز الأوزون فيها قليل جدًا بدركة تخليه يسمح
لنوع من الأشعة فوق البنفسجية اسمهUVB-type
rays دا نوع مضر بيسبب سرطان الجلد وبيؤذي العين ...
سبب
ظهور المنطقة دي أو ما يسمى بثقب الأوزون هو نوع من الغازات
اللي اتكلمنا عنه في مسببات الإحتباس الحراري وهو ال chloroflorocarbons .... ودي بتبقى موجودة في ال sprays
والمواد المبردة زاي في التلاجات والتكييفات ، اللي اكتشف دا علماء اسمهم Mario Molina and Sherwood
Roeland في سنة 1974 ونشروه في مقال علمي بحيث وضحوا فيه إن أشعة الشمس
بتكسر المواد وبتطلع الكلور Clorine بحيث إن ذرة كلور وامدة بتقدر تدمر 100.000 ذرة أوزون ....
الكثير
من المؤتمرات العلمية أقيمت وتم وضع قوانين صارمة زاي the montreal protocol في 15 سبتمبر سنة 1987
للحد من استعمال الكثير من الغازات والكيماويات اللي بتأثر على طبقة
الأوزون وبالفعل فيه تحسن كبير في تعافي طبقة الأوزون سنة عن سنة تبعا لإحصائيات
عملتها وكالة ناسا .
بخلاف
الأخبار السعيدة اللي فاتت فيه أخبار بتشير إلى ازدياد معدل التعافي بعد ظهور
ڤيروس كورونا بسبب تراجع حركة التصنيع الضخمة بسبب الإجراءات المتخذة لحصر نشاط
الڤيروس من كبرى الدول الصناعية المنتجة وبالتالي الملوثات الكيماوية الناتحة عنها واللي بتأثر بسكل كبير على تضرر
طبقة الأوزون
ختامًا
للموضوع في ظل تأثر الحياة على ظهر الأرض بالظاهرة دي وزيادة معدلات الإخلال
بالتوازن البيئي بهلاك الكثير من أنواع
الحياة لكائنات مقدرتش تتكيف مع التغيرات
المناخية، واستمرار الجنس البشري في مواصلة عجلة الصناعة و التقدم بماكينات وآلات
ضخمة وثقيلة بدون إلقاء بال لما يحدث حتى أصبح صعب التفريق بين أيهما هو الماكينات
والآلات،
هلى هيقف السيناريو دا لحد معين أم هيستمر على هذا المنوال، هل قيام
البشر لفترة ولو قليلة بدور المستهلكين هيؤثر بالإيجاب فعلا على صحة الأرض أم كل هذه مجررد توقعات ولكن لازم نتاكد ونعرف ان حماية الارض مسؤوليتنا كلنا لانه لما بيحدث اي ضرر
ليعود على البشرية كلها
“It is spring again. The earth is like a child that knows poems by heart.” ―
تظهر الإعلانات هنا
تعليقات