Hypertension

انا مضغوط جدا جدا الفتره دي من كل شي حواليا لدرجه انه الدم هو كمان بيضغط على الاوعيه الدموعيه بتاعتي ، وكمان الدنيا ضيقه

...... عليا من كل شي لدرجه انه الاوعيه بتاعتي هي كمان ضيقه

الوصف اللي وصفناه دا معناه بالضبط ان الشخص دا مريض ضغط عالي.

في المرض دا بيكون القلب بيضخ كميه دم كتيره في اوعيه دمويه ضيقه.

في نوعين من ضغط الدم :-

1. Primary Hypertension

ودا بيكون السبب غير معروف ممكن يكون وراثي، او تقدم العمر

2. Secondary Hypertension

ودا بيحصل بسبب مرض تاني يعني مثلا حصلي مشكله في عضو ما ف نتج انه سبب ارتفاع في ضغط الدم

طيب اي اعراض المرض ؟

المرض دا بيعتبر Silent Condition، معظم الأعراض اللي بتظهر مش بتكون حاجه مميزه للمرض دا فالمريض ممكن ميعرفش انه مريض اصلا زي انه ممكن يحصل صداع، او الشخص ميقدرش ياخد نفسه بشكل كويس، ممكن يحصل ارهاق او نزيف من الانف .

ازاي نقدر نكتشف المرض دا ؟

للاسف معظم المرضي مش بيعرفوا انهم مرضي ضغط الا لما الحاله تكون متدهوره، لذلك في المراحل الاولي بنكتشف المرض عن طريق الكشف الدوري زي انه مثلا هنقيس ضغط الدم عن طريق جهاز ال Sphygmomanometer اللي بيكون في مستشفيات والصيدليات، وممكن الطبيب يطلب عمل تحليل دم علشان يحدد اذا كان Primary ولا Secondary و ممكن يطلب Urine Test .

دلوقتي خلاص الشخص عرف انه مصاب بضغط دم ..

ازاي نقدر نعالجه؟

لو الشخص للاسف متعالجش ممكن يحصل Complications تانيه مش لطيفه زي انه ممكن يحصل Heart Failure او Stroke.

اول شي وأهم شي في العلاج اننا نطلب منه انه يضبط اسلوب حياته زي انه يقلل اكل الملح ، و يمارس الرياضه وياكل اكل صحي وهكذا وممكن نديله ادويه زي:

1. Diuretics

دي حاجات بتساعد الكليه انها تخرج صوديوم و ميه من الجسم فيساعد في تقليل ضغط الدم زي مثلا ماده ال Hydrochlorothiazide. بسمن ضمن أغراضه الجانبيه انه بالتاكيد هيزود عدد ال Urination

2. ACE Inhibitors

عندنا انزيم اسمه ال ACE دا بيحول Angiotnesin 1 ل Angiotnesin 2 و دا بيعمل Vaso-Constriction بشكل قوي وكمان بيشغل ال Aldosterone اللي بظوره انه يزود كميه الميه في الجسم فكدا كميه الدم هتزيد الدوا بتاعنا بيعمل Inhibition لانزيم ACE ف كدا ال VC وكمان تاثير ال Aldosterone هيقفوا فضغط دم يقل.

3. Calcium Channel Blocker

الدوا دا هيقفل ال Channel بتاعت الكالسيوم واكيد كلنا عارفين انه مهم علشان انقباض ال Blood Vessels فلما نقفلها هنساعد انه يقلل ضغط دم مرتفع طبعا نوع دا ممنوع مع ال Grapefruit لانه بيقوي التاثير بتاعه فدا هيكون مضر.

بالنسبه للعلاج في المستقبل :-

فبيبحثوا دلوقتي عن امكانيه استخدام Vaccine لعلاج الضغط، او استخدام Renal Denervation عن طريق تدمير أعصاب معينه ف الهرمونات اللي بترفع ضغط الدم تقل وفي برضوا ابحاث عن استخدام ادويه ت Target Baroreflex اللي بيعتبر ميكانزم طبيعي لتضبيط ضغط الدم.