هل فكرت قبل كده فى كام واحد مات بسبب الامراض المعدية اللى بتكون بسبب الكائنات 

المجهرية سواء بكتريا او فيروسات او غيرها . كائنات صغيرة جدا لا ترى بالعين المجردة 

.و رغم كده هى خطيرة جدا وكفيلة انها تقضى على شعب بحالة 

اكتر من 500 مليون شخص مات بسبب الامراض المعدية و عشرات الالاف من الوفيات

 دى كانت بسبب الاطلاق المتعمد لمسببات الامراض او السموم. ايه ده هو ممكن يحصل 

اطلاق متعمد للامراض ؟ اه طبعا ممكن وده اللى بنسميه الحروب البيولوجية اللى فيها ممكن

 دولة تستخدم مرض تقضى بيه على دولة تانية طب خلينا نشوف كده الحروب البيولوجية بدأت ازاى

. و ايه حكايتها لحد دلوقتى 

سنة 1347 حاصر التتار ميناء كافا " بأوكرانيا "و فى الوقت ده كان وباء الطاعون منتشر بين جنود 

التتار و مع تصاعد احداث الحرب و رغبة التتار فى استسلام المدينة قرروا انهم

 يقذفوا جثث الجنود اللى ماتوا بالطاعون بالمنجنيق على اهل المدينة ومن هنا انتشر

 .وباء الطاعون فى كل انحاء اوروبا و تسبب فى موت 25 مليون شخص اللى هو حوالى تلت السكان 

وهى ان الجنود كانت بتسمم نبالهم بفضلات بشرية لأن ده بيطول من مدة 

التئام الجروح . او كمان انهم يلوثوا مصادر المياه بأنهم يقتلوا ماشية 

.و يلقوا بيها فى مصادر المياه 

 ارتبط مصطلح بطاطين الجدرى باسم لورد جيفرى امهيرست "حاكم بريطانى لكندا 

و فرجينيا " وكانت فيه بينه و بين الهنود حرب و كان عايز يقضى عليهم لانه من وجهة نظرة قوم

 دون البشر . فى سنة 1763 قرر انه يبعتلهم هدايا و هى عبارة عن مناديل و بطاطين مشبعة بفيروس

 الجدرى و اختار الفيروس ده بالذات لانه بيفضل معدى فى صورته الجافة لأيام و ممكن سنين

. كمان 

كرر الجيش البريطانى نقس الهدية عام 1775 للأمريكيين بعد ما تم تطعيم الجنود البريطانيين 

من الوباء ده و اللى نتج عنه انسحاب الأمريكيين بعدما دفنوا ضحاياهم فى مقابر جماعية . و على 

مر السنين نقدر نقول ان كل قوى كانت بتتفنن فى وسائل تقدر بيها اى عدو ليها من خلال الحروب البيولوجية

. زى مثال : - عام 1495 كان الاسبان بيخلطوا النبيذ بدماء مرضى الجذام علشان يبيعوه لأعدائهم الفرنسيين 

 عام 1863 الحلفاء كانوا بيبيعوا ملابس مرضى الحمى الصفراء و الجدرى لقوات الاتحاد بالولايات

 المتحدة الامريكية . و فى الحرب العالمية الاولى استخدم الجيش الالمانى الجمرة الخبيثة كسلاح و فى الحرب ط

العالمية التانية كانت اليابان رائدة الحروب البيولوجية تحت قيادة الدكتور شيرو ايشى اللى عمل وحدة

 تجارب تطوير اسلحتهم البيولوجية و كانوا بينفذوا تجاربهم على الاسرى الصينيين و الكوريين و تم قتل

 ما يصل الى 600 سجين سنويا فى التجارب اللى بيقوموا بيها . كمان كانت اليابان بتخطط

. لارسال طائرة انتحارية محملة ببكتريا الطاعون الى" سان دييجو" بالولايات المتحدة 

 

 كل ده كان جزء بسيط بس من اللى ممكن يكون حصل تحت مسمى الحروب البيولوجية كمية تدمير و ضحايا

 مبالغ فيها لانه فعلا سلاح فتاك ممكن يفتك

 بالبلاد اللى بتستخدمه اصلا لو مكنتش واخدة احتياطتها و بناءا عليه تم اتخاذ العديد من القوانين

 .التى تجرم استخدام هذا السلاح .

 ففى عام 1969 اصدر الرئيس الامريكى" نيكسون" قرارا بمنع ايه بحوث

. فى مجال الحروب البيولوجية

 https://www.sciencedirect.com/science/article/pii/S1198743X14626343 https://www.ncbi.nlm.nih.gov/pmc/articles/PMC1326439/ https://www.britannica.com/technology/biological-weapon/Biological-weapons-in-history https://www.researchgate.net/publication/341029964_Jeffrey_Amherst_and_Smallpox_Blankets