ليه الإنسان بيعيط؟ وإيه هي فكرة الدموع؟ طيب هي مفيدة ولا لأ؟ 

وإن ممكن يكون مجموع دموع الإنسان خلال سنة واحده ما يعادل ٣٠ جالون! 

طيب الدموع بتفرز من غده اسمها lacrimal gland وهي المسؤولة عن إفراز الدموع الجديده وفيه كمان lacrimal puncta وهي المسؤولة عن تجميع الدموع القديمة علشان تتخلص منها.

تعالوا نشوف الموضوع من الأول من كذا جانب، أولا نسأل هل الدموع نوع واحد بس؟ الإجابة لأ، دا فيه ثلاث أنواع من الدموع اللي ممكن يفرزها الإنسان. 

النوع دا العين بتفرزه بشكل مستمر بكميات قليلة ومهتمه إنه يغلف القزحية ويحميها من التلوث، وغالبا طول اليوم مش بنلاحظ خالص الدموع دي أو إنها موجودة أساسا وهو دا المطلوب. 

كلنا بنلاحظ لما بنيجي نقطع بصل مثلا بنلاقي فجأة عنينا حرقتنا جدا وبدأنا في العياط أو الدموع بشكل لا إرادي وفي الحاله دي بسبب مادة كيميائية موجودة في البصل لما بتيجي على العين بتعمل تفاعل وبتكون العين عايزة تتخلص من التفاعل دا عن طريق الدموع، بس المرادي التركيب الكيميائي بتاعها مختلف عن الدموع الأساسية بتاعت طول اليوم، لأنها المرادي مهمتها هي إنها تغسل المواد الضارة أو الجزيئات الغريبة وبتفرز بكمية كبيرة وكمان بتبقى محتوية على الكتير من الAntibodies علشان توقف دخول أي كائنات حية بتحاول دخول العين.

لما حد بيزعقلنا جامد أو تحس انك زعلان جدا فتبدأ تعيط وممكن بردو لما تسمع خبر يسعدك جدا وانت مش متوقعة وتعيط، كل دي إسمها Emotional tears

لما بتشعر في مرحله إن الدنيا بدأت تفقد السيطرة هنا الدموع بتتدخل وبتعدل الموضوع والمزاج بالسرعة المطلوبة، وكمان زائد بعض الحاجات الفيزيائيه زي زيادة معدل نبضات القلب وبطئ معدل التنفس، ولكن العلماء لسه مقدروش يعرفوا بالتحديد ليه وازاي الدموع مفيدة على وجة التحديد.

بعضهم بيعتقد أنها social mechanism علشان تنبه وتعبر للناس اللي حوالينا وتكون بمثابة إشارة للي الإنسان بيمر وبيشعر بيه وإنه محتاج للدعم النفسي.

وبعض الدراسات وجدت إن Emotional tears بتحتوي على كميات من هرموت التوتر زي( ACTH Enkephalin,Endorfen ,Nature pain killers) وفي الحالة دي الدموع بتقوم بتهدئة الشخص على طول وبتعلن عن حالتها النفسية للآخرين. 

وأخيرا الدموع نعمة كبيرة بتساعدنا على التخفيف من مشاعرنا السيئة، فمتتكسفش من الموضوع لأنها حاجة طبيعية بتعبر عننا كبشر. 

recourse: 

https://youtu.be/keMF8YzQoRM