المفاصل هي مكان التقاء عظم بعظم اخر او عظم

بغضروف او غضروف بغضروف , و المفاصل موجوده

فى اجزاء كتيرة من الجسم زى الايدين و الرجلين وفقرات

الظهر , طب هل المفاصل دي على كده مهمة اوى ؟

طبعا مهمة جدا لأنها السبب فى حركتنا العاديه و لو

مش موجوده هنبقى عاملين زى الشجر مش قادرين

نتحرك خالص.

طب ايه هو التهاب المفاصل ؟ 

التهاب المفاصل لتهاب المفاصل هو تورم وشعور

بألم عند لمس واحد أو أكثر من مفاصل الجسم.

وأعراضه الأساسية هي ألم المفاصل وتيبسها،

وبتزيد سوء مع التقدم في العمر. التهاب المفاصل

موجود ليه اكتر من 100 نوع لكن اكثر الانواع شيوعا هي: 

• الفصال العظمى Osteoarthritis

• التهاب المفاصل الروماتويدي    Rheumatoid Arthritis

• النقرس Gout

أعراض مرض التهاب المفاصل

أعراض التهاب المفاصل الأكثر شيوعًا تتعلق

بنوع الالتهاب، ويمكن أن تشمل الآتي:

• وجع.

• تيبّس.

• انتفاخ.

• احمرار.

• هبوط في مدى الحركة.

التشخيص

يتم من خلال معرفة الطبيب بالتاريخ المرضي

والفحص البدني لحركة المفصل و مداها, و تيبس و

انتفاخ المنطقة حول المفصل  ومن الممكن أن يقوم

الطبيب بعمل الاشعة السينية على المفصل ؛

لاستبعاد أشكال أخرى من التهاب المفاصل أو عمل

التصوير بالرنين المغناطيسي على المفصل أو أخذ عينة

من سائل المفصل لإستبعاد أسباب أخرى لألم المفاصل (مثل: العدوى).

العلاج 

مع الاسف لم يتم اكتشاف علاج نهائى لالتهاب المفاصل

لكن موجود ادوية و طرق علاج للتحكم فى الحالة عشان

ميحصلش تدهور للحالة و ده عن طريق  التخفيف من

أعراض وتحسين قدرة المفاصل على أداء وظيفتها.

أحيانًا تنشأ حاجة إلى اختبار علاجات متنوّعة أو دمج علاجات

مختلفة مع بعضها عشان اوصل لتحديد العلاج الأفضل للمريض

المحدد، تشمل الخيارات العلاجية ما يأتي:

• العلاج بالادوية 

يُوجد العديد من الأدوية لعلاج التهاب المفاصل تبعًا لنوع الالتهاب،

والتي تشمل الآتى:

• أدوية مسكّنة للأوجاع: يُساعد هذا النوع من الأدوية 

على تخفيف الألم لكنه لا يعالج الالتهاب زى 

 Hydrocodone   وParacetamol .

• أدوية مضادّة للالتهبات: تشمل أدوية مضادّة

 للالتهاب غير الستيرويدية، وأدوية مضادة للروماتيزم 

لتغيير   Ibuprofenطابع المرض زى .

• أدوية بيولوجية و مثبطة للمناعة : تستعمل

 هذه الأدوية عادةً من خلال دمجها مع الأدوية

المضادة للروماتويد لعلاج التهاب المفاصل الروماتويدى . 

• أدوية الكورتيكوستيرويدات (Corticosteroid):

 التي تخفف من شدة الالتهاب لكن لازم نستعملها بحرص

• الكريمات الموضعية اللى بتساعد على التخفيف

 من الاحساس بالالم

• العلاج الطبيعى 

يمكن أن يقلل من آلام المفاصل وتيبسها وزيادة المرونة وقوة العضلات،

لذا يجب التحدث مع المختص حول برنامج  آمن، تقليل الوزن

للمساعدة على تقليل الضغط على المفاصل وتقليل الألم

ومنع المزيد من الإصابة وتحسين الحركة في المفصل 

• الجراحة

إذا لم تساعد طرق العلاج التقليدية ولم تحقق النتائج المرجوة

يمكن أن يُوصي الطبيب بإجراء عملية جراحية، مثل:

استبدال المفصل بمفصل صناعى يحافظ على حركة المفصل و وظيفته.

دمج المفص عن طريق دمج للعضمتين الى بيكونوا

المفصل و ده بيقلل الالم الناتج عن حركة المفصل 

العلاج فى المستقبل

• العلاج عن طريق البلازما 

بلازما الدم ؟ طب ازاي ؟ قالك البلازما غنية بالصفائح الدموية

, طب ده هيساعدنى ازاى كمان ؟ 

او استجابة من الجسم للاصابة انه بيبعت صائح دموية لمكان

الاصابة عشان تساعد انها تخفف من حدة الاصابة وتعالجها

كمان فبعض الدراسات قالت ان العلاج هنا بيبقى عن

طريق الحقن بالبلازما الغنية بالصفائح الدموية و ممكن

تأثيرها فى تخفيف الالم يستمر من 3 ل 6 شهور لكن للاسف

متقدرش تبنى نسيج المفصل المصاب من جديد لكن تقدر

بس تخفف من تدهور المرض .

• العلاج عن طريق الخلايا الجذعية

بتقدر الخلايا الجذعية انها تنقسم و تتحول لانواع تانية من

الخلايا فالفكرة هنا انى اقدر افصل النوع ده من الخلايا

الموجود فى نخاع العظام و احقنه فى المفصل المصاب

فتقدر انها تنقسم و تتحول للخلايا المكونة للمفصل و ترجع

تبنيه من جديد .

• العلاج عن طريق الدم

العلماء بياحاولوا انهم  يعملوا معالجة للدم عشان تزيد

فيه مضادات الالتهاب و عوامل النمو و بعدها احقنه

فى المفصل المصاب , و ده هيساعدنى اوقف الالتهاب

و ااقل من تدهور الاصابة.

• العلاج عن طريق اصلاح و ترميم الغضروف

بيتم عن طريق حفر حفر صغيرة جدا تحت طبقة العضم

و ده هيكون جلضة دموية و فى النهايية هينمو غضروف

ليفى جديد , الغضروف الليفى مشكلته انه مش قوى

ولا متين زى الغضروف الى بنتولد بيه و ممكن كمان عن طريق

زراعة الغضروف انى اخد جزء سليم من الغضروف من

الركبة او من متبرع و بعدها انقله للمكان المصاب .

“Nothing In Life Is To Be Feared, It Is Only To Be Understood

Now Is The Time To Understand More,

So That We May Fear Less.” ― Marie Curie

المصادر :

1. https://www.arthritis.org/health-wellness/treatment/joint-surgery/preplanning/the-future-of-joint-repair

2. https://www.niams.nih.gov/health-topics/arthritis

3. https://orthoinfo.aaos.org/en/diseases--conditions/arthritis-of-the-knee/

4. https://www.cdc.gov/arthritis/index.htm